Autoriteti Kombëtar për Sigurinë Kibernetike vijon bashkëpunimet me universitetet në vend për të fuqizuar të rinjtë me njohuri praktike në fushën e sigurisë digjitale.
Këtë herë, trajnimi u zhvillua me studentët e Universitetit “Aleksandër Xhuvani” në Elbasan, të cilët u përfshinë në një trajnim praktik me platformën SimSpace, duke simuluar skenarë të sulmeve kibernetike dhe ushtruar aftësitë e tyre në analizë dhe reagim, nën udhëzimin e ekspertëve të AKSK.
Si pjesë e këtij bashkëpunimi, ata përfitojnë gjithashtu akses falas në platformë deri në fund të vitit, një mundësi konkrete për të vijuar praktikën dhe për të thelluar më tej njohuritë e tyre.
Këto aktivitete janë pjesë e misionit tonë për të përgatitur brezin e ri të ekspertëve të sigurisë kibernetike në Shqipëri.
